الرئيسية > ~ رحبانيات > أنا مش كافر !

أنا مش كافر !

الجمعة, أبريل 17, 2009 أضف تعليق Go to comments

Kelk

طن طن طن طن طن !
أنا مش كافر , بس الجوع كافر
أنا مش كافر , بس المرض كافر
أنا مش كافر , بس الفقر كافر و الذل كافر
أنا مش كافر , لكن شو بعملك إذا اجتمعوا فيي كل الإشيا الكافرين
يلي بيصلي الأحد و يلي بيصلي الجمعة
و قاعد يفلح فينا على طول الجمعة !
هو يلي دين قال و أنا يلي كافر عال
راجعوا الكتب السماوية راجعوا كلام القادر !
أنا مش كافر , بس البلد كافر
أنا مقبور ببيتي و مش قادر هاجر
و عم تاكلي اللقمة بتمي و أكلك قدامك يا عمي
و إذا بكفر بتقلي كافر !
معمم على الدول الغربية و مبلغ كل المخافر
أنا مش كافر , هيدا إنتا الكافر
أنا مش كافر مدام إنتا الكافر
أنا مش كافر , قلنا مين الكافر و عرفوا مين الكافر
أنا مش كافر متل ما عم قلك , عم بتحطها فيي كونك شيخ الكافرين !

رائع بكل ما فيه زياد الرحباني

كنت أخذ رأي صديقي الدكتور هشام بالتصميم و الأغنية قال لي :

( مش ممكن تكون مش فاكر ! )


😀

من منا لا يكفر بهذا الزمان

..

التصميم كخلفية لجهازي , الجملة مكتوبة ببرنامجKelk  بخط “شكسته” و مصدرة للفوتوشوب

من أرادها لإستخدامها فهي هنا من غير توقيع

أنا سأطبعها على ( T-shirt ) لكني سأظهر كلمة ” مش”  أكثر ,

كي لا يظن الناس أني المسيح الدجال و (على هون بيوجعك و هون ما بيوجعك)

تحميل الباترن المستخدم في الخلفية + المخطوطة بصيغة PDF

تحميل أو سماع ” أنا مش كافر ” لزياد الرحباني

حييتم 🙂

Advertisements
  1. الجمعة, أبريل 17, 2009 عند 5:24 م

    الله أحب أن يغني فأرسل لنا فيروزا وزيادا والرحابنة كلهم لنسمعه بأصواتهم

    • الجمعة, أبريل 17, 2009 عند 8:15 م

      سيدة الزرقة , معقول !
      لا اليوم صار شي غريب
      رح قلك عليه لمن إرجع ع البيت

  2. السبت, أبريل 18, 2009 عند 8:03 ص

    🙂
    شكراً لمرورك و تعليقك
    الشي اللي بعتبره غريب شوي إنه هلاء أولاً إنتي ما بتعرفيني و هي أول زيارة أكيد لأنه عدد زوار سوريا زادوا واحد إمبارحة و بعتقد إنتي يمكن , و لا أنا ما بعرفك و زرت مدونتك مرة أو مرتين و في وحدة منن ضفت مدونتك لقائمة المدونات اللي رح صمملها هيدرات و بقدمها لأصحابها فجأة إن حبوها حبوها و إن ما حبوها عادي 🙂 , شفت الهيدر القديم لمدونتك كان مو مناسب كتير فجهزت صورة بتنم عن الزرقة و قلت رح صمم شي شغلة و عدا الموضوع و شفتك بعدين مغيرة ستايل المدونة و بالتالي المقاسات اللي كنت أخدها تغيرت و هيك , لحد إمبارحة بعد ما حطيت التدوينة هي ” أنا مش كافر ” لقيت الملف اللي فيه عناوين المدونات و مقاسات الهيدرات و كان الدور واصل عندك 🙂


    ففتحت ملف و ابتديت فيها و صار عندي شغلة برا البيت و طلعت من برا فتحت إيميلي لقيتك رادة و انا كان أخر عهدي بالبيت بالفوتوشوب على التصميم الأزرق 🙂 , فقلت لعمش شو عرفها إني عم بعملها هيدر لمدونتها يعني الواحد إلا شوي كان طلع حواليه و قال حدا شايفيني شي ! 😆

    بيجوز ما يكون الموضوع غريب كتير و مجرد صدفة , بس عن جد أول ما شفت تعليقك وسعوا عيوني ضليت ساعة مو مصدق , إنه أكيد في هالدنيا في شي ما بنعرفه شي غريب .

    طولت بالحكي :opps:

    حبيت خبرك القصة و نورتي المدونة , شكراً لمرورك مرة تانية .

  3. السبت, أبريل 18, 2009 عند 6:56 م

    عظمه على عظمه ياسالوري 🙂

    اعجبتني التدوينه اختيار اغنيه تصميم كوول شي حتى رد صديقك ^^
    وفخامة التصميم اجبرتني على تنظيف سطح مكتبي صراحه جدا جمييل
    ونريد مشاهدة التي شيرت بعد الطباعه 🙂

    سمعت الاغنيه امس وكان عندي امتحان فحوورت الكلمات
    انا مش كافر بس الجوع كافر
    انا مش كافر بس الامتحاان كافر خخخخ
    بس الحمدلله قدمت كويس اليوم ^^

    وموقفك مع سيدة الزرقه عجيب ,, هذا نوع من التخاطر الذهني << برااا
    🙂

    • الأحد, أبريل 19, 2009 عند 7:06 م

      هاد من حسن ذوقك رمادية , شكراً جزيلاً 🙂
      خلص رح صوره بعد الطباعة

      ايه و الله الإمتحان أبو الكافرين كمان , الله يمضيها على خير
      الحمد لله على إمتحانك و بالتوفيق بالقادم إنشالله

      شفتي شلون ,شي عجيب و الله 🙂

      نورتي رمادية شكراً لمرورك

  4. السبت, أبريل 25, 2009 عند 7:10 م

    اليوم وعن طريق الصدفة رجعت على مدونتك عن طريق المدوِّن منشان شوف الميزة الجديدة للردود ع الوورد بريس..

    وتفاجأت والله.. ماكان عندي علم إنو كل ها الأشياء صايرة وأنا ما عندي علم

    مابعرف شلون يمكن صار فيني هلا متل ماصار فيك

    مابقا عم إقدر إكتب

    شكرا ً شكرا ً شكرا ً شكرا ً

    وناطرة التصميم ها..لاتنسى

    ودٌّ وتحية وكمشة حبق

    • الثلاثاء, أبريل 28, 2009 عند 1:08 م

      شايفلك هالدنيا كلها صدف بصدف 🙂
      و عفواً يا ستي
      و الهيدر أكيد , يأتيكم بغتة و أنتم و لا تشعرون 🙂
      شرفتي

  1. No trackbacks yet.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: